يېقىندا مەلۇم خەير – ساخاۋەت ئورگىنى ئۇيۇشتۇرغان ‹‹كالا شاھى›› تاللاش مۇسابىقىسىدە ئەنگىلىيىدىكى 1.67 توننا كېلىدىغان بىر شارولاي بۇقىسى چىمپىيون بولدى.
     ئىگىلىنىشىچە، ‹‹دالا مارشالى›› ئىسىملىك بۇ بۇقا سەككىز ياشتا بولۇپ، ئالدىنقى نۆۋەتلىك 1.588توننا كېلىدىغان ‹‹كالا شاھى››نى يېڭىپ، ئەنگىلىيىنىڭ يېڭى ‹‹كالا شاھى›› بولۇپ قالغان. ‹‹دالا مارشالى››نىڭ ئىگىسى ھاسان داككوتنىڭ تونۇشتۇرۇشىچە، بۇ يوغان مەخلۇق كۈنىگە 78 كلوگرام يەم – خەشەك يەيدىكەن، بولۇپمۇ سۇلۇ، ئارپا، بەرەڭگە، يەم – خەشەك قىزىلچىسى ۋە قۇرۇق ئوت – چۆپنى ھەممىدىن ياخشى كۆرىدىكەن، شۇڭىمۇ ناھايىتى ئېغىر ئىكەن. ئۇ تېخى ئۆسۈش باسقۇچىدا بولغاچقا، ئېغىرلىقى داۋاملىق ئېشىشى مۇمكىن ئىكەن.