جۇڭگو ئۇيغۇرچە رادىيو تورى 19-دېكابىر بېيجىڭ خەۋىرى: يېڭى يىل بىلەن چاغان يېقىنلىشىپ قالغاندا، بېيجىڭ، تيەنجىن قاتارلىق چوڭ شەھەرلەردىكى ئاھالىلەرنىڭ تۈرلۈك مۇلازىمەت ئىستېمالىغا بولغان ئېھتىياجى تېز ئاشتى، ئەمما ئالاقىدار كەسىپكارلار يۇرتلىرىغا قايتىشقا ئالدىرىدى. بىر تەرەپتىن، كارخانىلارنىڭ يۇقىرى مائاش بىلەنمۇ ئىشلەمچىلەرنى تۇتۇپ قېلىشى تەسكە چۈشتى، يەنە بىر تەرەپتىن، ئىشلەمچىلەرنىڭ تەۋەلىك ئېڭى كەم بولۇپ، چوڭ شىركەتلەرگە كىرىش، ياخشى خوجايىنلارغا ئۇچراش، ئىستىقبالى بار ئورۇنلاردا ئىشلەشنى ئۈمىد قىلدى.
ئالاقىدار مۇتەخەسسىسلەر مۇنداق دەپ قارىدى: يىل ئاخىرىدىكى ئەمگەكچى قەھەتچىلىكى-ئېلىمىزنىڭ ئادەم ئىشلىتىش بازىرىدىكى تەمىنات بىلەن تەلەپنىڭ تەڭپۇڭسىزلىقى شۇنداقلا ئېلىمىز دېھقانلىرىنىڭ شەھەرلىشىش قەدىمىنىڭ ئاستىلىقىنى كۆرسىتىپ بەردى.
مەنبە: جۇڭگو ئۇيغۇرچە رادىيو تورى
|
