جۇڭگو ئۇيغۇرچە رادىيو تورى 23-سېنتەبىر بېيجىڭ خەۋىرى: قاتناش تىرانسپورت مىنىستىرلىقىنىڭ مۆلچەرلىشىچە، بۇ يىللىق ئۆكتەبىر ئالتۇن ھەپتىلىكى مەزگىلىدە، تاشيول، سۇ يولى يولۇچىلار تىرانسپورت مىقدارى 530 مىليون ئادەمگە، كۈنىگە 75 مىليون 600 مىڭ ئادەم قېتىمغا يېتىپ، ئۆتكەن يىلىنىڭ ئوخشاش مەزگىلدىكىدىن %9.7 ئاشىدىكەن. دۆلەت بايراملىق تۆمۈر يوللارنىڭ يولۇچىلار تىرانسپورت خىزمىتى 28-سېنتەبىردىن 7-ئۆكتەبىرگىچە ئون كۈن داۋاملىشىدىكەن. تۆمۈر يول مىنىستىرلىقىنىڭ مۆلچەرلىشىچە، مەملىكەت بويىچە تۆمۈر يوللاردا ئون كۈن ئىچىدە 69 مىليون ئادەم توشۇلىدىكەن، ئۆتكەن يىلنىڭ ئوخشاش مەزگىلدىكىدىن %8.5 ئاشىدىكەن. 10-ئاينىڭ 1-كۈنى تۆمۈر يول قاتناش يۇقىرى دولقۇنى مەزگىلى، دەپ مۆلچەرلەنمەكتە. بۇ كۈندە پۈتۈن مەملىكەتتىكى تۆمۈر يوللاردا 8 مىليون 500 مىڭ ئادەم توشۇلىدىكەن.
|
