ئىشلىتىش. توك دۇخوپكىسىنى ئاۋۋال قىزىتىۋېلىش كېرەك. قىزىۋاتقاندا قىزىتقۇ بىردەم قارا، بىردەم قىزىل كۆرۈنىدۇ. بۇ تېمپېراتۇرىنىڭ مەلۇم چەككە يېتىپ، توك دۇخوپكىسىنىڭ قىزىغانلىقىنىڭ ئالامىتى. بۇ ۋاقىتتا يېمەكلىكنى دەرھال سېلىڭ. قىزىتقۇچقا يېمەكلىك، ياغ ياكى خېمىر چۈشۈپ قالسا بولمايدۇ.

      ئاسراش. توك دۇخوپكىسىنى ئىشىلىتىىپ بولغاندىن كېيىن، چوقۇم ئەستايىدىل تازىلاش ھەم ئاسراش كېرەك، كونكرېت ئۇسۇلى مۇنداق: بىرىنچى، توك دۇخوپكىسىنى ئىشلىتىپ بولغاندىن كېيىن، توك مەنبەسىنى ئۈزۈۋېتىپ، دۇخوپكىنىڭ تېمپېراتۇرىسى ئۆينىڭكى بىلەن بىردەك بولغىچە سوۋۇتۇش كېرەك. ئىككىنچى، توك دۇخوپكىسىنىڭ ئىچى – سىرتىنى  قۇرۇق دەسمال بىلەن سۈرتۈش كېرەك. دۇخوپكا بەك مايلىشىپ كەتكەن بولسا، قاچا يۇيۇش سۇيۇقلۇقىدىن ئازراق تېمىتىپ سۈرتسىڭىز بولىدۇ، لېكىن توك دۇخوپكىسىنىڭ ئىچىگە سۇ تېمىپ كەتسە ھەرگىز بولمايدۇ. ئۈچىنچى، توك دۇخوپكىسىنى ھەر قېتىم ئىشلىتىپ بولغاندىن كېيىن، دۇخوپكىنىڭ تەخسىسى، جازىسىنى چوقۇم ۋاقتىدا تازىلىۋېتىش كېرەك. تۆتىنچى، يېمەكلىكلەرنى پىشۇرغاندا قىزىتقۇچقا ياغ تېمىپ كېتىشتىن ياكى پىشۇرغان يېمەكلىك چاپلىشىپ قېلىشتىن خالىي بولغىلى بولمايدۇ، شۇڭا ئۇنى ۋاقتىدا تازىلىۋېتىش كېرەك، بولمىسا داغ بولۇپ قالىدۇ. تازىلاپ بولغاندىن كېيىن، توك دۇخوپكىسىنى قۇرغاق، شامال ئۆتۈشۈپ تۇرىدىغان ئورۇنغا قويۇش كېرەك.