ئامېرىكا تېببىي ئىلىم دوكتورلىرىنىڭ ئەڭ يېڭى تەتقىقاتىغا ئاساسلانغاندا ، ھاراق ئىچكەندە يۈزى قىزىرىپ كېتىدىغان كىشلەرنىڭ قىزىلئۆڭگەچ راكىغا گىرىپتار بولۇش خەۋپى يۇقىرى بولىدىكەن .

   ئامېرىكا ‹‹نيۇيورك ۋاقىت گېزىتى››نىڭ خەۋىرىگە قارىغاندا ، ھاراق ئىچكەندە يۈزى ئاسان قىزىرىدىغانلاردا كۆڭلى ئېلىشىش ، يۈرەك رېتىمى تېزلىشىپ كېتىش قاتارلىق ئالامەتلەر كۆرۈلىدىكەن . بۇنداق بولۇشىدىكى سەۋەب ئاساسلىقى ھاراق ئىچكەندە يۈزى قىزىرىپ كېتىدىغان كىشلەرنىڭ بەدىنىدە ALDH2دەپ ئاتىلىدىغان بىر خىل فېرمېنت كەم بولۇپ ، بۇ خىل فېرمېنت كەم كىشلەر كۈنىگە ئىككى بوتۇلكا پىۋا ئىچسە ، ئۇلارنىڭ قىزىلئۆڭگەچ راكىغا گىرىپتار بولۇش نىسبىتى ئادەتتىكى كىشلەرنىڭكىگە قارىغاندا ئالتىدىن 10 ھەسسىگىچە يۇقىرى بولىدىكەن