ئاپتوموبىل ئىچىدىكى ھاۋانىڭ بۇلغىنىشى شوپۇر ۋە يولۇچىلارنىڭ سالامەتلىكىگە ئېغىر تەسىر يەتكۈزىدۇ. بولۇپمۇ، ئاپتوموبىل ئىچىگە بېزەك بۇيۇملىرىدىكى بېنزول، فورمالدېگىد قاتارلىق زىيانلىق ماددىلاردىن چىققان گازلار توشۇپ كېتىدۇ. شۇڭا، ئىككىنچى كۈنى ئاپتوموبىل ھەيدىگەندىن كېيىنكى بىرىنچى ئىش، ئاپتوموبىلنىڭ  تۈڭلۈكىنى ئېچىۋېتىپ، ئاپتوموبىل ئىچىدىكى ھاۋانى ئالماشتۇرۇش كېرەك ، شۇ ئارقىلىق شوپۇر ۋە يولۇچىلارنىڭ سالامەتلىكىگە كاپالەتلىك قىلىش لازىم.

    ئاپتوموبىل توسۇلۇپ قالغاندا، تۈڭلۈكنى ئېچىپ، چىقىرىندى گازلارنىڭ كىرىۋېلىشىدىن ساقلىنىڭ. يول توسۇلۇپ قالغاندا، بارلىق ئاپتوموبىللار توختاش ھالىتىدە بولۇپ، ئاپتوموبىل چىقىرىندى گازىنىڭ ھاۋاغا تارقىلىشىدىن ساقلانغىلى بولمايدۇ. بۇ ۋاقىتتا، ئاپتوموبىل تۈڭلۈكىنى ئېچىپ، يان دېرىزىلىرىنى ئېتىۋەتسىڭىز، ئاپتوموبىل ئىچىدىكى قالدۇق گازنى چىقىرىۋەتكىلى، ھەم ھاۋا تەڭشىگۈچنىڭ سۈزۈشى ئارقىلىق، يېڭى ھاۋا ئالماشتۇرغىلى بولىدۇ.

     ئاپتوموبىل ئاپتاپتا قالغاندىن كېيىن تۈڭلۈكنى ئېچىۋېتىپ، ئۇنىڭ ئىچىدىكى تېمپېراتۇرىنى تەڭشەڭ. ئاپتوموبىل كۈچلۈك ئاپتاپتا قالغاندا، ئاپتوموبىل ئىچىدىكى تېمپېراتۇرا يۇقىرىلاپ كېتىدۇ. بۇنداق ۋاقىتتا تۈڭلۈكنى ۋە ھاۋا تەڭشىگۈچنى ئېچىش كېرەك.

     يۇقىرى سۈرئەتتە ماڭغاندا، تۈڭلۈكنى ئېچىۋېتىپ، شامالنىڭ شاۋقۇن ئاۋازىنى تۆۋەنلىتىڭ. ئاپتوموبىلنى يۇقىرى سۈرئەتتە ھەيدەپ، يان دېرىزىنى ئاچقاندا ھاسىل بولغان شاۋقۇن ۋە يۈزگە ئۇرۇلغان شامال ئادەمنى بىئارام قىلىدۇ. ئەگەر بۇ چاغدا تۈڭلۈكنى ئېچىپ، يان دېرىزىنى  ئېتىۋەتسە، بۇنداق ئەھۋالنىڭ كۆرۈلۈشىدىن ساقلانغىلى بولىدۇ. بولۇپمۇ ئاپتوموبىلنىڭ سۈرئىتى سائىتىگە 100 كېلومېتىرغا يەتكەندە، يان دېرىزىنى ئېچىۋېتىپ ھاۋا ئالماشتۇرغاندا ھاسىل بولىدىغان شاۋقۇن  110 دېتسبېلگە يېتىدۇ. ئەگەر تۈڭلۈك ئېچىلسا شاۋقۇن 69 دېتسبېل بولىدۇ.