گازىرنىڭ ئوزۇقلۇق قىممىتى يۇقىرى بولۇپ ، تەركىبىدە كۆپ مىقداردا ۋىتامىن ۋە ياغ كىسلاتاسى بار . كۈندىلىك تۇرمۇشتا بەزى كىشلەر گازىر چېقىشنى ياخشى كۆرىدۇ . گازىرنىڭ سالامەتلىككە پايدىلىق تەرەپلىرى بار بولسىمۇ ، زىيانلىق تەرەپلىرىمۇ يوق ئەمەس .

    گازىرنى كۆپ چاقسا ، شۆلگەي گازىر شۆپىكىگە چاپلىشىپ چىقىپ كېتىدۇ . ئادەتتە ، شۆلگەي ھەزىم قىلىشقا ياردەم بېرىدۇ ، جاراھەتنىڭ ساقىيىشىنى ئىلگىرى سۈرىدۇ . شۆلگەي تەركىبىدە يەنە ئاجرىتىش تىپىدىكى ئىممۇنىتېت شار ئاقسىلى ۋە باكتېرىئولېزىن بولۇپ ، شۆلگەي ئېغىز بوشلۇقىدا پەيدا بولغان كىسلاتانى نېيتراللاشتۇرىدۇ ، ئېغىز بوشلۇقىنىڭ شىلىمشىق پەردىسىنى قوغداپ ، چىش چىرىش كېسەللىكى ۋە ئېغىز بوشلۇقى ياللۇغىنىڭ ئالدىنى ئالىدۇ . شۆلگەي يەنە راك ماددىسىنىڭ زەھىرىنى تۆۋەنلىتىپ ، راكقا قارشى تۇرۇش رولىنى ئوينايدۇ . گازىرنى كۆپ چاقسا ، شۆلگەي كۆپ مىقداردا خوراپ كېتىپ ، سالامەتلىككە بەلگىلىك زىيان يېتىدۇ . ئۇنىڭدىن باشقا ، گازىر تەركىبىدە ياغ ماددىسى كۆپ بولغانلىقتىن جىگەرنى قاتۇرۇپ ، جىگەرنىڭ فونكىسىيىلىك رولىغا ئېغىر تەسىر يېتىدۇ .