راكنىڭ ئالدىنى ئالىدۇ : شوخلىنىڭ ئىسسىقلىقنى ياندۇرۇپ ، زەھەر قايتۇرۇش ، كېسەللىك ئۆزگىرىشىنى تىزگىنلەش رولى بولۇپ ، كۈندە قىزىرىپ پىشقان شوخلىدىن بىر – ئىككىنى خام يەپ بەرسە ، راكنىڭ ئالدىنى ئېلىش ۋە كېسىلىنى داۋالاش رولى بار .

   قان بېسىمىنى تۆۋەنلىتىدۇ : كۈندە ئەتىگەن بىر – ئىككى تال شوخلىغا ئاق شېكەر سېپىپ ، ئاچ قورساق يەپ بەرسە ، قان بېسىمىنى تۆۋەنلىتىش رولى بار .

   ئاشقازان يارىسىغا شىپا بولىدۇ : يېنىك دەرىجىدىكى ھەزىم قىلىش خاراكتېرلىك ئاشقازان يارىسىغا گىرىپتار بولغاندا ، شوخلا ۋە بەرەڭگىنى سىقىپ ، سۈيىنى يېرىم ئىستاكاندىن ئارىلاشتۇرۇپ ، كۈندە ئەتىگەن ۋە كەچتە بىر قېتىمدىن ئۇدا ئون قېتىم ئىچىپ بەرسە ، ئاشقازان يارىسى ساقىيىپ كېتىدۇ .

   ئىسسىق ئۆتۈپ قېلىشنىڭ ئالدىنى ئالىدۇ : بىر ئىككى تال شوخلىنى ياپىلاقلاپ توغراپ ، ئازراق شېكەر ياكى تۇز قوشۇپ شورپا قاينىتىپ ئىچىپ بەرسە ، ئىسسىق ئۆتۈپ قېلىشنىڭ ئالدىنى ئالىدۇ .

   قىزىتمىنى قايتۇرىدۇ : شوخلا سۈيى بىلەن تاۋۇز سۈيىنى يېرىم ئىستاكاندىن ئارىلاشتۇرۇپ ، بىر سائەتتە بىر قېتىمدىن ئىچىپ بەرسە ، قىزىتمىنى قايتۇرىدۇ .

   چىش مىلىكى قاناشنى داۋالايدۇ : شوخلىنى پاكىز يۇيۇپ مېۋە ئورنىدا ئۇدا يېرىم ئاي يەپ بەرسە ، چىش مىلكى قاناشنى ساقايتىقىلى بولىدۇ .