داۋالىنىش سۇغۇرتىسى ھەققىنى تولۇقلاپ تاپشۇرغىلى بولمايدۇ. ئەگەر بۇ خىل ھەقنى تاپشۇرۇش ئۈچ ئايدىن ئارتۇق(ئۈچ ئاينىمۇ ئۆز ئىچىگە ئالىدۇ) ئۈزۈلۈپ قالسا، سوغۇرتىلانغۇچى ھەقنى سىجىل ئىككى يىل تاپشۇرغاندىن كېيىن، ئاندىن داۋالىنىش چىقىمىنى تولۇق نىسبەت بويىچە ئاتچوت قىلدۇرالايدۇ.

     17 – سېنتەبىر سائەت 9:00 دىن 10:00 غىچە، ئۈرۈمچى شەھەرلىك ئەمگەك ۋە ئىجتىمائىي كاپالەت ئىدارىسى پارتكومىنىڭ مۇئاۋىن شۇجىسى، ئىنتىزام تەكشۈرۈش كومىتېتىنىڭ شۇجىسى جاڭ جياڭجۇ، ئەمگەك مۇناسىۋىتى ۋە ئىش ھەققى باشقارمىسىنىڭ باشلىقى ۋۇ لى، ياشانغاندا كۈتۈنۈش سۇغۇرتىسى باشقارمىسىنىڭ باشلىقى ياڭ شيۇچىڭ، تېببىي داۋالاش باشقارمىسىنىڭ باشلىقى تاڭ خېڭيې، ئىنتىزام تەكشۈرۈش – مەركىزىي تەپتىش ئىشخانىسىنىڭ مۇدىرى لى شىڭۋېي ئۈرۈچى كەچلىك گېزىتىنىڭ ساھە ئىستىلى قىزىق لىنىيىلىك تېلېفون قوبۇل قىلىش ئىشخانىسىدا تېلېفوندا مەسلىھەت سورىغان ئاھالىلەرنىڭ سوئاللىرىغا جاۋاب بەردى. مەسلىھەت سورىغانلارنىڭ ئارىسىدا داۋالىنىش ھەققى تاپشۇرۇشنى ئۈزۈپ قويۇشنىڭ داۋالىنىش چىقىمىنى ئاتچوت قىلدۇرۇشقا تەسىرى بولىدىغان – بولمايدىغانلىقىنى سورىغانلار بىر قەدەر كۆپ بولغان.

     تاڭ خېڭيى مۇنداق دېدى: ‹‹ئالاقىدار بەلگىلىمىگە ئاساسەن، داۋالىنىش سۇغۇرتىسى ھەققىنى تاپشۇرۇش ئۈچ ئايدىن ئارتۇق(ئۈچ ئاينىمۇ ئۆز ئىچىگە ئالىدۇ) ئۈزۈلۈپ قالسا، ‹توختاپ تۇرۇش ۋاقتى› بەلگىلىمىسى يولغا قويۇلىدۇ. ھەق تاپشۇرۇشنى باشلىغاندىن كېيىنكى يەتتە ئايدىن 12 ئايغىچە بولغان ئارىلىقتا، سۇغۇرتىلانغۇچى %30 ئاتچوت تەمىناتىدىن بەھرىمەن بولىدۇ. 13 ئايدىن 23 ئايغىچە بولغان ئارىلىقتا %60 ئاتچوت تەمىناتىدىن بەھرىمەن بولىدۇ. 24 ئايغا توشقاندىن كېيىن تەمىناتتىن تولۇق بەھرىمەن بولىدۇ››.

مەنبە: ئۈرۈمچى كەچلىك گېزىتى 