ئۈرۈمچى شەھەرلىك سەھىيە ئىدارىسىدىن ئىگىلىشىچە، شەھەر – بازاردىكى ئىشچى – خىزمەتچىلەرنىڭ ئاساسىي داۋالىنىش سۇغۇرتىسى، شەھەر – بازار ئاھالىسىنىڭ ئاساسىي داۋالىنىش سۇغۇرتىسى، يېزىلارنىڭ يېڭىچە ھەمكارلىشىپ داۋالىنىش تۈزۈمىگە قاتناشقان A تىپلىق H1N1 تارقىلىشچان زۇكام بىلەن يۇقۇملانغان ئاغرىقلار (جۈملىدىن گۇمانلىق ئاغرىقلار ۋە ئېنىق دىئاگنوز قويۇلغانلارنىمۇ ئۆز ئىچىگە ئالىدۇ) بۇنىڭدىن كېيىن، قىزىتمىسى ئۆرلەپ قالسا ياكى ئۆتكۈر نەپەس يولى كېسەللىك ئالامىتى كۆرۈلگەنلەر A تىپلىق H1N1 تارقىلىشچان زۇكامنى داۋالاش ئاپپاراتلىرىغا بېرىپ، تېببىي تەكشۈرۈش ۋە داۋالاش جەريانىدا چىقىم قىلغان قۇتقۇزۇش ھەققىنى يۇقىرىدا ئېيتىلغان ئۈچ داۋالىنىش سۇغۇرتىسى تۈزۈمىنىڭ بەلگىلىمىسى بويىچە ئاتچوت قىلسا بولىدۇ. تۇرمۇشتا ھەقىقەتەن قىيىنچىلىقى بارلار ئۈرۈمچى شەھىرىنىڭ شەھەر – بازار ئاھالىسىنىڭ ئەڭ تۆۋەن تۇرمۇش كاپالىتى ئوبيېكتلىرىنىڭ داۋالىنىش، ياردەم بېرىش چارىسى بويىچە ئىجرا قىلىنىدۇ.

     ئۇنىڭدىن باشقا، ئاساسىي داۋالىنىش سۇغۇرتىسى ۋە يېزىلارنىڭ يېڭىچە ھەمكارلىشىپ داۋالىنىش سۇغۇرتىسىنى بېجىرىش ئاپپاراتلىرى A تىپلىق H1N1 تارقىلىشچان زۇكام بىلەن يۇقۇملانغان ئاغرىقلارنىڭ داۋالىنىش، قۇتقۇزۇش ھەققىنى بەلگىلىمە بويىچە ۋاقتىدا تۆلەپ بېرىدۇ. چېگرا سىرتىدىكىلەر ئېلىمىز چېگرىسى ئىچىدە A تىپلىق H1N1 تارقىلىشچان زۇكام بىلەن يۇقۇملانغان بولسا، داۋالىنىش، قۇتقۇزۇش خىراجىتىنى ئۆزى ئۈستىگە ئالىدۇ.

مەنبە: شىنجاڭ گېزىتى               ئىجتىمائىي سۇغۇرتاباشقۇرۇش ئىدارىسىدىن : تۇردى غۇجائەھمەد