ئۇپۇقتىن بىلدۇرۇپ سۇبھى تىنىغى،
نۇر دەستىسى سىزغان ھايات ئۆزىگە سەھەر،
چىن دىل ، ھەقىقەتنى يار ئەيلەپ دىلغا،
غەپلەتنى ئۇزىتىپ ، ئۇمىدتە چاقنىغان سەھەر! سۆيگۇ كەبى ئۇ ،تىرىلىشقا يول بەرگەن كەڭلىك،
گۈل مەڭزىدە شەبنەملەر شوخ جىلۋىدە سەھەر،
بۇلبۇل كۈيىگە چۆمدۇرۇپ جانۇ- جاھاننى،
كۆڭۇللەرنى گۈل سېھرىدە ياشناتقان سەھەر! سەھەر خۇشبۇي تىنىغى ھوزورى جاننىڭ ،
لەرزان ئەرزان ئاۋازى دىل نۇرىدۇر سەھەر ،
چىن ئېتىقات بىلەن ھەم پاكلىنۇر ھەممە،
شۇڭا دەيمىز ھەممە ئىش باشلىنۇر سەھەر! بۇۋام پۇتكەن شۇ ناخشىنى ياڭرىتىپ ئەنە ،
دىھقان ئاتام ئىشقا چىققان ئەنەشۇ سەھەر،
موماي ئېيتقان چۆچەكتىكى گۈلزارلىقلاردا ،
ئانام ئىشچان قوللىرىدا گۈل تىككەن سەھەر! ئىنسان بولوپ تۆرەلگەنسەن ئۆشبۇ دۇنياغا ،
قەدىرلىگىن ئۆمرۇڭنىڭ ھەربىر سەھىرىنى ،
پاك تەرىڭ ھەم نەقىش چەكسە ھايات يولوڭغا،
سەھەر يۈتكەن زۇلمەتتەك، يۈتەر مۆشكىلى !! |
