بۈگۈن سېنىڭ تۇغۇلغان كۈنۈڭ! ھەممە جاي گۈل چىچەككە پۇركەنگەن ، مىۋە - چىۋىلەر مەي باغلاپ پىشقان يازنىڭ ئېسىل كۈنلىرىدە توغۇلغانلىقىڭ ئۈچۈنمۇ ئايدەك جامالىڭ ھەممە كىشنىڭ مەسلىگىنى كەلتۇرەتتى . يازدىكى ئاشىق بولبۇلنىڭ ئاۋازىدەك يېقىملىق ئاۋازىڭ يۈرەككە ئارام بېغىشلايتتى. مۇشۇنداق خاسىيەتلىك كۈندە سېنىڭ قېشڭدا بولالمىغانلىقىم مېنى تولىمۇ بىئارام قىلدى . ئەتتىگەن سېنىڭ ئىسمىڭنى توۋلاپ چۆچۈپ ئويغانغان ۋاقتىمدا ساڭا تىلىفۇن قىلماقچى بۇلۇپ ئۆزۈمنى يەنە  تۇتىۋالدىم .ئەتتىگەندە بۇلۇبمۇ بۇگۈنكىدەك خاسىيەتلىك كۈندە سېنىڭ كەيپىياتىڭغا تەسىر يەتكۈزۈپ قۇيۇشنى خالىمىدىم . ئاخشام ساڭا تىلىفۇن قىلىش ، قىلماسلىق توغرىسىدا ئۇزۇندىن ئۇزۇن ئويلاندىم ، ئاخىرىدا تىلىفۇن قىلماسلىق سېنىڭ كەيپىياتىڭنى بۇزۇپ قويماسلىق ئۈچۈن ساڭا بولغان تىلەكلىرىمنى چەكسىز ئاسماندىكى جىمىرلاپ تورغان يۇلتۇزلارغا ئېيتىپ سېنىڭ بەختىڭنى تىلىمەكچى بولدۇم ، بىراق ئاسماندا بىرمۇ يۇلتۇز يوق ئىدى ، ئۇلار خۇددى تىلەكلىرىمنى ، يۇرەك سۆزلىرىمنى پەقەت سېنىلا ئاڭلىسۇن دىگەندەك ھەممىسى بۇلۇت كەينىگە مۆكىۋالغان ئىدى . مەن ھېچ ئىلاج قىلالمىدى . ساڭا بولغان قەلىب سۆزلىرىمنى  ئىپادىلەشكە راستىنلا ئاجىزلىق قىلىۋاتىمەن .بەلكىم سەن دۇنيادىكى بارلىق مەۋجۇداتلارغا مېنىڭ ساڭا بولغان يۇرەك سۆزلىرىمنى ئاڭلىماسلىققا مۇراجەت قىلغانسەن ، بىلىمەن سەن مەندىن نەپرەتلىنىسەن ، مېنىڭ مۇھەببەتنىڭ قۇربانىغا ئايلانغانلىقىمنى ،سېنى ئالدىمىغانلىقىمنى ئىتراپ قىلىشنى خالىمايسەن . مەن ئاخرى بىر قارارغا كەلدىم ،ساڭا ھېچ قانداق گەپ قىلماسلىقىم ، سېنى ئىزدىمەسلىكىمنىڭ ئۆزى ساڭا تىلىگەن ئەڭ چوڭ بەخت ، سېنىڭ مەندىن ئېرىشمەكچى بولغان  ئەڭ ئەھمىيەتلىك تۇغۇلغان كۈن سوغىسى .