ئالا ئىنەكنىڭ بالىسى چالا قۇيرۇق

   ئىككى يېشىل پاقا مۇھەببەتلىشىپتۇ، تويدىن كېيىن بىر چار پاقا تۇغۇلۇپتۇ. ئەركەك يېشىل پاقا بۇنى كۆرۈپ ئاچچىقلاپ دەپتۇ:
   — ئىپلاس، بۇ نېمە قىلغىنىڭ؟
   چىشى يېشىل پاقا يىغلاپ تۇرۇپ:
   — دادىسى، سىز بىلەن تونۇشۇشتىن ئىلگىرى ھۆسىن تۈزەتكۈزگەن ئىدىم – دەپتۇ.

ئۆي

   ھەسەل ھەرىسى كېپىنەككە كۆڭۈل ئىزھار قىپتۇ، لېكىن كېپىنەك قۇلۇلىگە ياتلىق بوپتۇ. ھەسەل ھەرىسى ئەجەبلىنىپ:
 
   — ئۇنىڭ مەندىن نەرى ياخشى؟ - دەپ سوراپتۇ.
   — ئۇنىڭ ئۆيى بار، سەندەك ئوپچە ياتاقتا تۇرمايدۇ، - دەپتۇ كېپىنەك.

قۇلۇلە

   بىر كۈنى A ئۆيىدە تېلېۋىزور كۆرۈپ تازا قىززىق يېرىگە كەلگەندە، ئىشىك قوڭغۇرىقى جىرىڭلاپتۇ. ئىشىكنى ئېچىپ قارىسا، بىرمۇ ئادەم يوق ئىكەن.
   — ياخشىمۇسىز، ماڭا ئازراق سۇ بېرەلەمسىز؟
   A شۇندىلا ئىشىكتە بىر قۇلۇلىنىڭ تۇرغانلىقىنى كۆرۈپتۇ.
   — يوق! – A ئاچچىقلاپ قۇلۇلىنى بىرنى تېپىپ ھەيدىۋېتىپتۇ.
   بىر نەچچە يىلدىن كېيىن، A تېلېۋىزور كۆرۈپ ئولتۇرسا، ئىشىك قوڭغۇرىقى يەنە جىرىڭلاپتۇ.
   A بېرىپ ئىشىكنى ئېچىشىغا، بىر قۇلۇلە:
   — بايا مېنى نېمىشقا تېپىسەن؟ – دەپتۇ.